+of+scan0001.jpg)
Компьютер дээр бичиг боловсруулж суухад ч юм уу, эсвэл хэн нэгнээс файл автал үсэг бичиг нь танигдахгүй тэмдэгтүүдээр гарах тохиолдол бидэнд олонтоо таардаг। Энэ бол олон улсад нийтлэг мөрдөгддөг үсэг, тэмдэгтийн кодчиллын нэгдсэн систем болох UNICODE-ыг хэрэглээгүйгээс болж буй юм. Энэ кодыг бүр 1991 оноос хөгжүүлж ирсэн бөгөөд эдүгээ нэгэнт олон улсад хүлээн зөвшөөрөгдөөд байна. Тиймээс Мэдээлэл, шуудан, харилцаа холбоо, технологийн газраас санаачлан энэ кодыг 2005 онд үндэсний MNS 5552:2005 стандартаар батласан юм. Хэдийгээр таван жилийн өмнө энэхүү стандарт батлагдан гарч заавал дагаж мөрдөх журмаар хэрэгжих байсан ч зарим байгууллага, хувь хүмүүсийн хэрэглээнд фонт, шрифтийн хүндрэл гарсаар л байна.
Энэ нь үндэсний стандартын тухай мэдээлэл хомс, ийм стандарт батлагдсаныг сонсож дуулаагүй, хэрэглэж байгаа компьютер нь программ хангамжийн хувьд UNICODE хэрэглэх шаардлагад нийцээгүй, хуучирчихсан байх зэрэг олон шалтгаантай холбоотой Ийм байдал нь цаашид мэдээллийн нэгдсэн орчин бүрдүүлэх, өөр хоорондоо ямар ч хөрвүүлэлтгүйгээр бичиг баримт солилцоход бэрхшээл учруулж буй юм. Энэ байдлыг арилгаж мэдээллийн нэгдмэл орчин бүрдүүлэх, өөр хоорондоо ямар ч хөрвүүлэлтгүйгээр мэдээлэл солилцох нөхцлийг бий болгох зорилгоор “Цахим засаглал” хөтөлбөрийг хэрэгжүүлэх зорилтынхоо хүрээнд Засгийн газраас тогтоол гарган, 2005 онд батлагдсан дээрх стандартыг бүх төрийн байгууллагуудын албан хэрэгт мөрдөхийг үүрэг болгож байгаа тул төрийн бүх байгууллагууд, мөн тэдгээрийн орон нутаг дахь салбарын байгууллагууд, хувийн хэвшлийн компаниуд өөрийн албан хэрэг, мэдээллийн систем, өгөгдлийн санд мөрдөж улмаар бүх нийтээр хэрэглэхийг уриалж байна.
Read more...
2 настай Билгүүн хэмээх нэгэн бяцхан өхөөрдөм хүүгийн амь нас уршигт өвчний улмаас хутганы ирэн дээр байгаа талаар телевизүүдээр гарч байсныг та бүхэн магадгүй үзсэн биз ээ. Хүүгийн өвчний онош: Aplastic anemia (Апластическая Анемия) буюу “Цусны хорт хурц гүн багадалт” юм байна. Энэхүү өвчин нь ясны хим эд үүргээ гүйцэтгэж чадахгүй байгаагаас цусны нөхөн үйлдвэрлэл зогсож, дархлааны системийг алга болгодог байна.
Эмчилгээ нь: Цусны чөмөг шилжүүлэн суулгах мэс ажилбар бөгөөд БНСУ-ын Сунг-Эй эмнэлэгт 40,000 ам.долларын үнэтэй эмчилгээ хийхээр болсон. Бид танд “алив мөнгө” гэсэн байдлаар хандаагүй юм шүү. Энд илүүдээ гарсан мөнгөтэйдөө биш сайхан санаат, сэтгэл сайтай янз бүрийн мэргэжил, мэдлэгтэй хүмүүс цуглаж хийж чадах бүхнээрээ хүнлэг үйлсийг бүтээн энэ бяцхан хүүд туслъя гэсэн сэтгэлээр тусалж, нэгдэж байгаа гэдэгт бат итгэж байна.
Билгүүн өдрөөс өдөрт хоол унднаас гарч байна. Бидэнд цаг бага байна сайхан сэтгэлт Монгол ахан дүүс ээ! Залуучуудаа хүн тус бүр үнэн сэтгэлээсээ туслацгаая.
_%2520Pulse%2520Records%252003.jpg){kind=link}