Шалгалт шүүлэг, реферат чинь зэрэгцээд стресст ороод байна уу?

Оюутнуудын маань хувьд сургуулиа төгсөнө, хонхны баяр болно, улсын шалгалтаа өгнө, дипломоо хамгаална, сурагчдын хувьд шалгалтууд нь зэрэгцээд маш их стрест ордог сезоны үе эхлээд байна.

Олон хүмүүс хийх ёстой зүйлээ цагт нь хийгээгүйгээс болж бие даалт, рефератуудаа зэрэгцүүлж дээрээс нь шалгалт шүүлэг гээд толгой ч өндийх завгүй болчихдог.

Үүнээс болж толгой өвдөх, нойргүй болох, хоолноос гарах, ховдоглож идэх, ажлын бүтээмж буурах гээд стресснээс үүдэлтэй олон сөрөг үр дагавар бий болдог.

Энэхүү стрессийг даван туулах талаар мэргэжилтнүүдийн зөвлөгөө:
Стрессээ тайлах үйл ажиллагаанд оролц, жишээ нь дасгал хийх, дуртай зүйлээ хийх, найзууд гэр бүлтэйгээ ойр дотно байх. Түүнчлэн стресст орсон нэгнийг буруутгахын оронд урамшуулж, урам зоригийн үг хэлэх нь хамгийн сайн үр дүнтэй гэнэ.

Стрессээс болж сайн нойроо авч чадахгүй байгаа хүмүүст зориулж доорхи практик зөвлөгөөг хэрэгжүүлээрэй.
Орой унтахын өмнө санааг тань зовоож байгаа зүйлс болон, өөрийн үүрэг хариуцлагаа дэвтэр дээрээ цувруулан бич. Энэ арга нь нойрсохоосоо өмнө таны тархийг сэргээж, сайхан нойрсож, маргаашийнхаа эрч хүчийг авах үндэс болно.